Nawriz Kaipov

Nawriz Kaipov
1990-jili 19-martta Qanlikol rayoninda tuwilg’an. Shan’araqta 2 ajagasi 1 qarindasi bar.
O’mirdegi urani: Bu’gingi ku’n ertengi tariyx (har islegen jumisin tarixta qaldiriw)
Jaqsi ko’rgen tag’ami: Narin
Jaqsi ko’rgen ren’i: Ko’k
Qizig’iwshilig’i: Klip montaj, rejyyorliq islew
Jaqsi korgen sporti: Akademiyaliw eskek esiw, Futbol
Jaqsi korgen qosiqshilari: Kairat Nurtas, Benom

Ta’lim ta’rbiya
Nawriz Kaipov 1997-jili No’kis qalasinda 26-sanli uliwma bilim beriw mektebine oqiwg’a baradi, Mekteptegi birinshi ustazi Medetova Dilaram. Mektepte oqip ju’rgen waqitlarinda qosiqshiliqqa klipmeykrlikke qiziqpag’an,
2006-jili oqiwdi tabisli tamamlap No’kis qalasi NMPI janindag’i 1-sanli Akademiyaliq litseydin Sotsial Gumanitar bag’darina oqiwg’a tapsiradi. 2007-jili Paytaxtimizdag’i No’kis Melioratsiya ha’m suw xojalig’i ka’sip o’ner kolledjinde oqiwin dawam ettiredi. kollejde oqip ju’rgen waqtinda “Kamolot JJH ta’repinen otkeriletug’in “Quwnaqlar ham ziyrekler” ko’rik tan’lawinda kollejdin’ “HIDROLIFE” komandasinda, al Institutta oqip ju’rgen waqtinda “Begler” komandasinda belsene qatnasqan. Kolledjdi 2009-jili tabisli pitirip sol jili No’kis Ma’mleketlik Pedagogikaliq Istitutinin’ Dene ma’deniyati fakultetine “GRANT” tiykari’nda oqiwg’a qabillanadi. 2013-jili Institutti tabisli pitirip sol jili Respublikaliq 4-sanli Gimnastika boyinsha qanigelestirilgen balalar ham jas o’spirimler sport mektebinde Instruktor-metodist keyin ala Direktor orinbasari lawaziminda jumis islegen, ha’zirgi kun’de Respublikaliq Suw sport tu’rleri boyinsha qa’niegelestirilgen balalar ha’m jas o’spirimler sport mektebinde Instruktor-metodist lawaziminda ham’de “Eskek esiw” boyinsha terener-oqitiwshi bolip jumis islep kelmekte.


Sporttag’i jetiskenlikler
Mektepte oqip ju’rgen waqitlarinan sporttin’ “Erkin gu’res” tu’ri menen shug’illang’an, Erkin gu’res, Milliy gu’res, Dzyu do turi boyinsha Qaraqalpaqstan shempionatlari ha’m kuboklerde birneshe marte jen’impaz boladi. Kollejde oqip ju’rgen waqitlarinda Akademiyaliq eskek esiw, Jen’il atletika menen shug’illanip baslay. Jen’il atletika 2009-2010-jillari Respublikada 100m ha’m 200m araliqqa juwiriw boyinsha birneshe ma’rte jen’impaz boladi, Barkamal avlod, Universiada qatnasiwshisi boldi.
Akademiyaliq eskek esiw: 2008-jildan baslap shug’illanip baslap Respublikada jen’impaz boladi, O’zbekstan Kubogi ha’m shempionatlarinda da birneshe ma’rte jen’impaz boladi, Eskek esiw boyinsha O’zbekstan sport ustalig’ina talaban (Kandidat Master sport).
Futbol: Kishkentayinan futbolg’a qizig’ip oynap kelgen, mektepte oqip ju’rgen waqtinda 6 saat dawaminda Futbol oynag’an ku’nleride bolg’an, mektepte oqip ju’rgen waqtinda “Bayterek” komandasi hu’jimshisi, “Umid nihollari” oyinlarinda Respublika basqishlarin shekem qatnasqan. Institutta oqip ju’rgen waqitlari Dene ma’denyati fakultetinde fakultetler arasinda turaqli tu’rde o’tkeriletug’in Futbol jarisinda 2 ret “En’ jaqsi hu’jimshi”, 1 ret “Shempionattin’ en’ jaqsi oyinshi” nominatsiyalarin jen’ip alg’an. Ha’r jili o’tkeriletug’in qosiqshilar arasinda Futbol shou da Estrada qosiqshilari quraminda oynap kelmekte, Ha’zirgi kun’de mini futbol boyinsha Qaraqalpaqstan birinshi ligasinda “GREBLYA FK” komandasinin’ sardari bolip oynap kelmekte..

Do’retiwshilikke kirip keliwi Nawriz & Paraxat
En’ birinshi atqarg’an qosig’i: Dawran Abdimov penen duet “Keshir meni” qosig’i.
2010-jildan Nawriz & Paraxat topar retinde qosiqlar shig’arip basladi, en’ birinshi qosiqlari “Janim”, “Qaydan tabarman” keyin ala “Qiynama”, “Umittim seni”, “Muhabbatim”, “Ayt”, “Eki ju’rek”, “Baxtim”, “Oyla”, “Taptim”,
Nawriz & Paraxat ti Xit da’rejesine alip shiqqan Estrada aleminde taniliwina “Taptim”, “Qiynama” atli qosiqlari, barliq qosiqlarina klip tu’sirgen.
2016-jildan Ko’p waqitliq tan’episten keyin Nawriz Kaipov jeke o’zi do’retiwshiligin dawam ettirip, “Sen ushin”, “Suygenimsen” atli qosiqlarina klip tu’sirip o’z iqlasbentlerine inam etedi. Nawriz Kaipovtin’ jeke oz’inin’ “Muhabbatim”, “Sen”, “Sen ushin”, “Tartinba”, “Suygenimsen”, “Qarindasim”, “Ayzada”, “Aynura”, “Bizdin eldin qizlari”, “Toyla” atli qosiqlari bar.
Gr.Eros penen birgelikte “Sen dep”, “Qorg’a watandi”, “Son’g’i xat”, “Umittim seni” qosiqlarin shig’aradi. Ha’zirgi ku’nde gr.Eros penen birgelikte qosiqlar shig’arip koncert beriwdi rejelestirmekte.
Hazirgi ku’nde Nawriz kaipov & Adil_Eros topar bolip do’retiwshiligin dawam ettirip atir, “Aldadin’”, “Soranaman”, “Umittim seni” qosiqlarin jan’a variantta shig’arip u’lgerdi.
Klipmeykr rejissyorliq
Qaraqalpaq estradasin 2010-jil “Star studio” atli jeke studiosin aship Estrada qosiqshilarina birneshe klipler tu’sirgen. 2014-jili Kazakstan Aqtaw qalasinan klip tusiriwge usinislar kelip, Aqtaw qalasinda Didar toby, Adil temir, Aibek Ugitov degen qosiqshilarinin’ kliplerine rejissyorliq isleydi. 2015-jilda Kazakstan Almata qalasinda ko’plegen qosiqshilarin’ kliplerine rejissyorliq isleydi. Kazakstanda islegen klipleri Erkin Maulen-“Kinalama qiyaldasam”, Indigo-“Toila”, Degdar Joldasbay-“Suluim”, Aray toby-“Munayma”, Erkin Maulen-“Qar jawgan kun”, Ermek Mukashov-“Arman ayim”, Joldasbek Abdixanov-“Oypirmay”, Joldasbek Abdixanov-“Meni suygen ju’regin’”.

Avtor: ikalo | Категория: BIOGRAFIYA | 23-01-2018, 23:59 |
Korildi: 826 |
  
PIKIRLER 1
Fatal error: [] operator not supported for strings in /var/www/u0531657/juldizlar.com/index.php on line 309